У Магілёўскай вобласці стартаваў рэгіянальны маладзёжны праект «Добрыя справы табе, мая малая радзіма!». Ініцыятыва будзе дзейнічаць на працягу Года малой радзімы, паведамілі карэспандэнту сайта ў абласной арганізацыі ГА «Беларускі рэспубліканскі саюз моладзі».

Праект накіраваны на пашырэнне культурнага асяроддзя і духоўнай свядомасці жыхароў Прыдняпроўскага краю, садзейнічанне развіццю і рэалізацыі маладзёжных грамадска-значных ініцыятыў ва ўсіх рэгіёнах Магілёўшчыны.

«Удзельнікам праекта прапануецца самастойна выбраць месцы і віды работ, – адзначылі суразмоўцы. – Гэта можа быць будаўніцтва і ўпарадкаванне дзіцячых пляцовак, прывядзенне ў парадак прыдваровых тэрыторый, месцаў пахаванняў і помнікаў, паркаў і сквераў, прыпыначных пунктаў. Асаблівую ўвагу плануецца надаць добраўпарадкаванню крыніц у Магілёўскай вобласці».

Інфармацыя аб ходзе рэалізацыі і выніках праекта будзе размешчана ў сродках масавай інфармацыі, а таксама інтэрнэце (на сайтах, у блогах, групах у сацыяльных сетках) пад адзінымі хэштэгамі: # Могилевщина_моя_малая_Родина, # крыніца_натхнення, # добрые_дела_малой_Родине.