У Магілёўскім інстытуце МУС 10-11 мая адбудзецца семінар-нарада з супрацоўнікамі псіхалагічных падраздзяленняў Міністэрства ўнутраных спраў, ГУУС-УУС, дэпартаментаў аховы і выканання пакаранняў, ДЗАВД, СПБТ «Алмаз», ГУКУВ МУС, устаноў адукацыі МУС нашай краіны. Пра гэта паведамілі ў ВНУ.

Падчас мерапрыемства будуць разгледжаны пытанні актуальнасці формаў і метадаў псіхакарэкцыйнай і псіхапрафілактычнай працы, перспектыў і выніковасці яе ажыццяўлення, пройдуць майстар-класы.

«Семінары-нарады, якія праводзяцца Цэнтрам псіхалагічнага забеспячэння МУС, ужо пацвердзілі сваю актуальнасць для прафесійнага ўдасканалення псіхолагаў, – адзначылі суразмоўцы. – У сучасных умовах псіхалагічная праца – адзін з відаў забеспячэння аператыўна-службовай дзейнасці органаў унутраных спраў, якія запатрабаваныя ідынамічна развіваюцца. Яна сканцэнтравана на комплексным вырашэнні задач, звязаных з фарміраваннем у супрацоўнікаў прафесійна значных псіхалагічных якасцей асобы, псіхалагічнай устойлівасці і гатоўнасці да эфектыўнага выканання службовых задач».