У Магілёве 6 кастрычніка правядуць агульнагарадскі суботнік. Пра гэта паведамілі ў гарвыканкаме.

У працах па навядзенні парадку ў горадзе прымуць удзел працоўныя калектывы і моладзь. Яны будуць добраўпарадкоўваць месцы адпачынку, двары, плошчы, скверы і вуліцы. Да гэтых работ плануецца максімальна прыцягнуць мясцовых жыхароў, якія могуць і жадаюць дапамагчы рэсурсамі, матэрыяламі і сваёй працай. Асаблівая ўвага на суботніку будзе нададзена Паднікольскаму парку.

Суботнік праводзіцца ў межах абвешчанага ў Магілёве месячніка па навядзенні парадку.