У Магілёве каля стадыёна «Спартак» 19 мая перакрыюць рух транспарту на час правядзення фіналу Кубка Беларусі па футболе. Пра гэта паведамілі ў гарвыканкаме.

Да 16.00 ад аўтамабіляў маюць намер вызваліць вуліцу Міронава (на ўчастку ад вуліцы Піянерскай да Магілёўскага абласнога мастацкага музея імя П. В. Масленікава), вуліцу Крыленка (ад вуліцы Першамайскай да стадыёна «Спартак»), бульвар Леніна (ад вуліцы Міронава да праспекта Міру), парковачную пляцоўку каля гандлёвага цэнтра «Магніт» з боку вуліцы Міронава.

З 16.00 да 22.00 будзе закрыты праезд па вуліцы Міронава (ад вуліцы Піянерскай да Магілёўскага абласнога мастацкага музея імя П. В. Масленікава), па бульвары Леніна (ад вуліцы Міронава да праспекта Міру).