У Магілёве 2 жніўня перакрыюць рух транспарту на час правядзення мерапрыемстваў, прысвечаных Дню дэсантнікаў і сіл спецыяльных аперацый. Пра гэта карэспандэнту сайта паведамілі ў гарвыканкаме.

Так, з 12.30 да 14.00 рух будзе закрыты па вуліцы Вялікая Чавуская (ад праспекта Пушкінскага да вуліцы Чыгрынава). Акрамя таго, Дзяржаўтаінспекцыя да 11.00 вызваліць ад аўтамабіляў гэты ж участак дарогі, а з 11.00 да 14.00 тут будзе абмежавана стаянка машын.