У Мсціславе рамантуюць езуіцкі касцёл, помнік архітэктуры XVIII стагоддзя. Як паведамілі ў райвыканкаме, стартавалі падрыхтоўчыя працы да зняцця аварыйнасці будынка.

На аб’екце працуюць магілёўскія будаўнікі: яны ўмацоўваюць апорныя сцены, дах, потым заладзяць дзіркі і падрыхтуюць яго да кансервацыі. Грошы на работы вылучае Магілёўскі аблвыканкам.

Як вядома, касцёл у апошнія гады знаходзіўся ў аварыйным стане. У снежні мінулага года там абвалілася частка сцяны. Зараз ёсць надзея, што помнік архітэктуры можа быць выратаваны.

ТРК «Могилев»