Новы рэзідэнт з кітайскім капіталам зарэгістраваны ў СЭЗ «Магілёў». Ім стала ТАА «Інфэн», паведамілі карэспандэнту сайта ў адміністрацыі Свабоднай эканамічнай зоны.

Галоўнай мэтай праекта з’яўляецца стварэнне тэхналагічнага ланцужка ад вырабу пасяўнога міцэлію да вытворчасці свежых грыбоў, вытворчасць святлодыёдных аўтамабільных лямпаў і фар з камплектуючых, а таксама святлодыёднай стужкі. Прадпрыемства размесціцца ў межах 18 участка СЭЗ «Магілёў» у паўднёва-ўсходнім рэгіёне вобласці каля Крычава.

У цяперашні час вядзецца распрацоўка праектна-каштарыснай дакументацыі будучых вытворчасцяў. Плануецца, што ў ходзе рэалізацыі праекта будзе створана больш за 50 працоўных месцаў.

Зарэгістраваны рэзідэнт стаў 42-м у складзе СЭЗ «Магілёў».