У студзені 2019 года ў Магілёўскай вобласці арганізацыямі ўсіх формаў уласнасці пабудавана 82 новыя кватэры. Уведзена ў эксплуатацыю 9 тыс. кв. м агульнай плошчы жылля. Пра гэта паведамілі ў галоўным статыстычным упраўленні рэгіёна.

Для грамадзян, якія стаяць на ўліку маючых патрэбу ў паляпшэнні жыллёвых умоў, пабудавана 2,5 тыс. кв.м, або 28,3% ад агульнага аб’ёму ўведзенага. Усё жыллё для гэтай катэгорыі жыхароў Прыдняпроўскага краю пабудавана з выкарыстаннем дзяржаўнай падтрымкі.

У сельскіх населеных пунктах уведзена ў эксплуатацыю 5,4 тыс. кв. м жылля, або 59,8% ад агульнага ўводу па рэгіёне.