У дзень рэспубліканскага суботніка, 21 красавіка, каля 300 тыс. жыхароў Магілёўшчыны прыме ўдзел у навядзенні парадку на зямлі.

Плануецца, што спецыялісты аблвыканкама будуць працаваць на тэрыторыі радзільнага дома і лячэбна-дыягнастычнага корпуса Магілёўскай гарадской бальніцы хуткай медыцынскай дапамогі, зоймуцца рамонтам у аздараўленчым лагеры «Чайка». Таксама яны добраўпарадкуюць пасёлак Татарка ў Асіповіцкім раёне, магілёўскі парк культуры і адпачынку ў Падніколлі, помнік байцам батальёна міліцыі пад камандаваннем капітана Канстанціна Уладзімірава у в. Гаі Магілёўскага раёна і інш.

Пад асаблівай увагай будзе добраўпарадкаванне воінскіх пахаванняў, мемарыяльных комплексаў, брацкіх магіл.

У Хоцімску пройдзе закладка сквера, прысвечанага Году малой радзімы. У Магілёўскім раёне правядуць моладзевы суботнік у вёсцы Дубінка, а ў Касцюковіцкім – прыступяць да будаўніцтва тэніснага корта. У Чэрыкаўскім раёне ў в. Горкі зоймуцца добраўпарадкаваннем тэрыторыі сядзібы «Абаленскіх».

50% грашовых сродкаў, заробленых у дзень суботніка, застануцца ў распараджэнні аблвыканкама. Яны будуць накіраваны на прывядзенне ў належны стан населеных пунктаў, уладкаванне месцаў баявой і воінскай славы, на падрыхтоўку дзіцячых аздараўленчых лагераў да летняга сезона. Астатнюю частку (50%) пералічаць Міністэрству фінансаў у парадку, устаноўленым гэтым міністэрствам. Дадзеныя сродкі накіруюць Міністэрству аховы здароўя на закупку медыцынскага абсталявання для Гарадской клінічнай бальніцы хуткай медыцынскай дапамогі ў мэтах арганізацыі дадатковых кругласутачных пастоў для аказання медыцынскай дапамогі, а таксама рэзервовых ложкаў на выпадак экстранай шпіталізацыі ўдзельнікаў і гасцей II Еўрапейскіх гульняў 2019 года.

Па матэрыяле mogilevnews.by