Пастановай Саўміна ад 9 верасня ўстаноўлены пералік рыбаводных арганізацый, якім у 2019–2022 гадах прадастаўляюцца субсідыі на выплату часткі працэнтаў за карыстанне банкаўскімі крэдытамі, выдадзенымі у 2019 годзе на тэрмін да трох гадоў для набыцця камбікармоў для рыбы і пагашэння запазычанасці за камбікармы, якія набыты ў гэтым годзе і выкарыстоўваюцца для кармлення рыбы.

У пералік уключана 6 ААТ, сярод якіх рыбгас «Свіслач», які ажыццяўляе гаспадарчую дзейнасць у Асіповіцкім раёне Магілёўскай вобласці.

Прадастаўленне субсідый ажыццяўляецца штомесяц за кошт сродкаў рэспубліканскага бюджэту, прадугледжаных на іншыя пытанні ў галіне сельскай гаспадаркі, у межах аб’ёмаў, зацверджаных законам аб рэспубліканскім бюджэце на адпаведны год, у памеры 50 % стаўкі рэфінансавання Нацыянальнага банка, дзеючай (з улікам яе змянення) у адпаведным перыядзе налічэння працэнтаў.

Аднак для выплаты працэнтаў, налічаных на суму пратэрмінаванай і (або) адтэрмінаванай (растэрмінаванай) запазычанасці па асноўным абавязку па крэдытах, субсідыі не прадастаўляюцца.

Пастанова прынята ў мэтах дасягнення аб’ёмаў вытворчасці рыбных рэсурсаў у водных аб’ектах, прадугледжаных Дзяржаўнай праграмай развіцця аграрнага бізнесу ў Рэспубліцы Беларусь на 2016–2020 гады.