Прафарыентацыйная акцыя «Мая прафесія – мая будучыня» для вучняў 6, 7 і 9 класаў агульнаадукацыйных устаноў Магілёва адбудзецца 21 кастрычніка ў актавай зале УУС Магаблвыканкама (вул. К. Маркса, 25). Пра гэта карэспандэнту сайта паведамілі ў прэс-службе ведамства.

Да пачатку мерапрыемства з 10.30 будзе працаваць выстава спецсродкаў і ўзбраення АМАП УУС. Пасля ўдзельнікі акцыі пройдуць у актавую залу, дзе ім прадставяць прэзентацыю і канцэртную праграму выхаванцаў Магілёўскага абласнога кадэцкага вучылішча, а таксама поўную інфармацыю аб падрыхтоўчых курсах і парадку паступлення ў дадзеную навучальную ўстанову.

Пасля заканчэння мерапрыемства кадэты запросяць школьнікаў да сябе ў госці ў вучылішча на азнаямленчую экскурсію.

Арганізатары акцыі – упраўленне ідэалагічнай работы і кадравага забеспячэння УУС Магаблвыканкама, абласное кадэцкае вучылішча.