Гала-канцэрт «Разам у будучыню», які пройдзе 11 верасня ў межах V Форуму рэгіёнаў, збярэ ў Лядовым палацы Магілёва больш за 300 артыстаў з Беларусі і Расіі. Пра гэта карэспандэнту сайта паведамілі ва ўпраўленні культуры аблвыканкама.

Сваёй творчасцю гасцей маштабнага мерапрыемства парадуюць народныя артысты Беларусі Анатоль Ярмоленка і Ядвіга Паплаўская, заслужаныя артысткі нашай краіны Анжаліка Агурбаш, Іна Афанасьева, Алёна Ланская, беларускі эстрадны спявак і кампазітар Руслан Аляхно, дзяржаўны ансамбль «Песняры». На сцэне таксама выступіць заслужаны артыст Расійскай Федэрацыі Дзяніс Майданаў, пераможцы конкурсаў «Голас. Дзеці. 5 сезон»Рутгер Гарэхт, «Ты – супер»Вера Ярошык, заслужаныя калектывы, салісты Беларусі і Расіі.

V Форум рэгіёнаў пройдзе ў Магілёве 10-12 кастрычніка. Яго арганізатарамі выступаюць Савет Рэспублікі Нацыянальнага сходу Беларусі і Савет Федэрацыі Федэральнага сходу Расіі. Мерапрыемства праводзіцца штогод па чарзе ў Беларусі і Расіі.