Акцыя «Дзецям аб падатках» праходзіць ва ўстановах адукацыі рэгіёна. Пра гэта карэспандэнту сайта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

У ролі выкладчыкаў выступаюць спецыялісты мясцовых інспекцый Міністэрства па падатках і зборах.

Літаральна ўчора незвычайны тэматычны ўрок прайшоў у сярэдняй школе № 34 Магілёва. Навучэнцы чацвёртага класа з цікавасцю атрымлівалі новыя веды аб тым, хто павінен плаціць падаткі і для чаго яны патрэбныя.

На працягу першага навучальнага месяца інспекцыі плануюць наведаць каля 40 навучальных устаноў вобласці. Мэта акцыі – фарміраванне падатковай культуры падрастаючага пакалення, тлумачэнне значэння падаткаў у жыцці грамадства.