Вулічнае асвятленне на сонечных батарэях ўсталявалі ў Бярозкаўскім сельсавеце Хоцімскага раёна. Пра гэта карэспандэнту сайта паведамілі ў Магілёўскім абласным упраўленні па наглядзе за рацыянальным выкарыстаннем паліўна-энергетычных рэсурсаў.

Новаўвядзенне рэалізавалі дзякуючы ўдзелу ў конкурсах Праграмы малых грантаў Глабальнага экалагічнага фонду. Быў выйграны грант і праект «Выкарыстанне экалагічна чыстых альтэрнатыўных тэхналогій у Хоцімскім раёне (устаноўка вулічных ліхтароў на сонечных батарэях у невялікіх населеных пунктах) з мэтай зніжэння выкідаў СО2» пераўтварылі ў жыццё.

У ажыўленых месцах масавага збору людзей ўсталявалі 8 свяцільнікаў на сонечных батарэях і 105 святлодыёдных лямпаў у маланаселеных пунктах усяго сельсавета. За тры месяцы з моманту ўкаранення яны далі эканомію Br3,3 тыс.

У сістэму асвятлення ўваходзяць: сам свяцільнік, які працуе на святлодыёдах; некалькі сонечных батарэй; кантролер рэгулявання зарадкі акумулятара і ўключэння-выключэння сістэмы; акумулятар для падачы электрычнасці на святлодыёды і наступнага яе назапашвання ад сонечнай батарэі; ахоўная шафа для акумулятара і кантролера; мацаванні для фотамодуляў.

Аўтаномнае асвятленне на сонечных батарэях вуліц і дарог размяшчаецца на высокіх слупах з замацаванымі на іх святлодыёднымі ліхтарамі і фотамодулямі. Устаноўлены апоры метадамзаглыблення ў грунт.

Зарадка ўстаноўленых свяцільнікаў ажыццяўляецца пры любой інтэнсіўнасці сонечнага асвятлення. У пахмурнае надвор’е для гэтага проста трэба ўдвая больш часу.

У сэрцы ўстаноўкі (акумулятары) назапашваецца энергія сонечнага святла днём і расходуецца ноччу. У іх прымененыгеліевы АКБ. Тэрмін службы яго разлічаны на 10-12 гадоў. Функцыю адсочвання ўзроўню зараджанай батарэі мае кантролер. Калі энергіі засталося менш, чым 30%, то ён аўтаматычна адключае святло ў прыборы. Датчыкі кантролера ўключаюць і выключаюць святло, рэагуючы на ўзровень асветленасці на вуліцы.

Корпус дастаткова трывалы і разлічаны на працу ў любых пагодных умовах, устойлівы да механічных пашкоджанняў, не прапускае вільгаць і пыл.

Вулічныя свяцільнікі на сонечных батарэях – навінка не толькі для аграгарадка Бярозкі, але і для ўсяго Хоцімскага раёна.

Паспяховаму прыкладу перанялі і ў Бяседавіцкім сельсавеце. Адтуль таксама пададзена заяўка на ўдзел у міжнародным праекце Праграмы малых грантаў Глабальнага экалагічнага фонду.