Адкрыты абласны турысцкі злёт «Вялікі перапалох – 2018», прысвечаны міжнароднаму Дню турызму, адбудзецца 29 верасня ў Магілёве. Пра гэта карэспандэнту сайта паведамілі ў ДУДА «Абласны цэнтр творчасці».

На набярэжнай ракі Дубравенка ў абласнога спартыўнага клуба «Спартак» Федэрацыі прафсаюзаў Беларусі ДЮСШ па стральбе з лука разгорнецца сапраўдны турысцкі гарадок. Каманды, якія прадстаўляюць навучальныя ўстановы, клубы, установы дадатковай адукацыі дзяцей і моладзі рэгіёна, будуць дэманстраваць свае здольнасці на дыстанцыях. Так, спартсменам трэба прайсці турысцкую паласу, краязнаўчы квэст і лабірынт. Пераможцаў чакаюць узнагароды.

На працягу злёту будзе працаваць гульнявая пляцоўка для дзяцей і бацькоў.

Праграма:

11.00 – адкрыццё злёту (сцэна);

11.15 – паказ дыстанцый;

11.30 – пачатак спаборніцтваў (турысцкая паласа, краязнаўчы квэст, лабірынт);

13.00 – падвядзенне вынікаў, узнагароджанне.