Сусветныя спаборніцтвы сярод узроставых груп па скачках на батуце, акрабатычнай дарожцы і падвойным міні-трампе прайшлі 5–8 снежня ў гімнастычным цэнтры «Арыяке» ў Токіа. Пазмагацца за перамогу ў сталіцу Японіі з’ехалася каля 800 спартсменаў з 40 краін. Пра гэта паведамілі ў ДСВСУ «Магілёўская гарадская СДЮШАР “Багіма”».

На працягу чатырох дзён ішла барацьба за 32 камплекты медалёў: у індывідуальных і сінхронных скачках на батуце, акрабатычнай дарожцы і падвойным міні-трампе.

Па выніках выступленняў у сінхронных скачках у катэгорыі 15–16 гадоў сярэбраную ўзнагароду заваяваў выхаванец Магілёўскай гарадской СДЮШАР «Багіма» Данііл Пшанко. У пары са Станіславам Яскевічам Магілёўскі батутыст набраў 49.200 балаў.

У індывідуальных скачках Данііл Пшанко стаў 7-м.