Камітэтам дзяржаўнага кантролю Магілёўскай вобласці пры правядзенні маніторынгу выяўлена незаконнае атрыманне ў 2015-2016 гадах прадпрыемствамі жыллёва-камунальнай гаспадаркі рэгіёна бюджэтных сродкаў на суму больш за Br400 тыс. Пра гэта карэспандэнту сайта паведамілі ў прэс-службе ведамства.

Як выявілі кантралёры, камунальнікі завысілі планава-разліковыя цэны па паслугах водазабеспячэння і водаадвядзення, уключыўшы ў іх звышнарматыўныя накладныя выдаткі, страты вады і іншыя неабгрунтаваныя выдаткі. Гэта ў сваю чаргу прывяло да незаконнага павелічэння бюджэтнага субсідзіравання.

Па выніках маніторынгу Br178 тыс. парушальнікі добраахвотна вярнулі ў бюджэт. Вяртанне яшчэ Br236 тыс., а таксама працэнтаў за карыстанне грашовымі сродкамі знаходзіцца на кантролі КДК.