Вынікі рэспубліканскай дабрачыннай акцыі «Цуды на Каляды» падвядуць у Магілёўскай вобласці 11 студзеня. Пра гэта паведамілі ў абласным камітэце ГА «Беларускі рэспубліканскі саюз моладзі».

Цэлы месяц валанцёры руху ГА «БРСМ» «Добрае Сэрца» збіралі падарункі дзецям. Прыйшоў час перадаць іх адрасату. Напярэдадні старога Новага года добраахвотнікі разам з Дзедам Марозам і Снягуркай пры падтрымцы прадзюсарскага цэнтра «Music M» адправяцца ў Быхаўскі цэнтр карэкцыйна-развіваючага навучання і рэабілітацыі, каб падарыць малым казку, парадаваць цацкамі, спартыўным інвентаром і салодкімі сюрпрызамі.

У гэты ж дзень актывісты наведаюць дзіцячы дом сямейнага тыпу ў Слаўгарадзе. Для вялікай і дружнай сям’і Ціханавых валанцёры падрыхтавалі цацкі і канцылярскія прыналежнасці.