Японскія рэгіёны плануюць прыняць удзел у фестывалі «Александрыя збірае сяброў». Аб гэтым расказаў Надзвычайны і Паўнамоцны Пасол Беларусі ў Японіі Руслан Есін.

«У найбліжэйшай перспектыве прадстаўнікі шэрагу японскіх рэгіёнаў плануюць паўдзельнічаць у дзясятым інвестыцыйным форуме «Млын поспеху» і фестывалі «Александрыя збірае сяброў», – паведаміў Руслан Есін.

Па яго словах, на працягу 2017 года пасольства сумесна з беларускімі рэгіёнамі правяло значную работу па пашырэнні двухбаковага супрацоўніцтва з японскімі гарадамі. Былі ўстаноўлены прамыя працоўныя кантакты з губернатарамі і мэрамі сталіц прэфектур Осака, Хірасіма, Фукуока, Хакайда. Унесены прапановы па развіцці кантактаў Магілёўскай вобласці з рэгіёнамі Кюсю, Кансай і інш.

БЕЛТА