Кінатэатр «Ветразь» запрашае юных магілёўцаў на кінавідэамерапрыемства «Краіна шчаслівага дзяцінства». Свята пачнецца 23 ліпеня ў 10.00, паведамілі карэспандэнту сайта ў аддзеле рэкламы, сувязі са СМІ і метадычнай працы Магілёўскага дзяржаўнага прадпрыемства «Кінавідэапракат».

Дзяцей сустрэнуць казачныя персанажы, якія зададуць вясёлы тон мерапрыемству. Запланаваны таксама конкурс малюнкаў на тэму «Свет радасці», дэгустацыя дзіцячых напояў ад спонсара ТАА «Маркетынг-цэнтр». У зале кінатэатра адбудзецца захапляльнае падарожжа па Краіне шчаслівага дзяцінства. Самыя актыўныя ўдзельнікі атрымаюць годныя прызы, а пераможцы розыгрышу – білет на атракцыён 5D. Завершыцца свята паказам зборніка мультыплікацыйных фільмаў.

Даведкі па тэлефонах 8 (0222) 44-40-98, 27-03-89. Кошт квітка – Br2.