З усіх органаў улады дэпутаты мясцовых Саветаў найбольш блізка знаходзяцца да насельніцтва. На гэта звярнуў увагу сёння ў гутарцы з журналістамі старшыня Магілёўскага аблвыканкама Уладзімір Даманеўскі пасля галасавання на ўчастку №32 па выбарах у мясцовыя Саветы 28-га склікання ў Магілёве.

«Мясцовыя Саветы дэпутатаў – патрэбны і важны орган палітычнай сістэмы краіны, – падкрэсліў кіраўнік рэгіёна. – Яны зацвярджаюць бюджэт, без якога не можа працаваць выканаўчая ўлада. Гэта людзі, якія знаходзяцца бліжэй за ўсё да насельніцтва, а значыць, нясуць вялікую адказнасць за рашэнне паўсядзённых праблем, якія турбуюць людзей.

Менавіта таму Уладзімір Даманеўскі зрабіў выбар на карысць кандыдатаў у дэпутаты, на якіх можна абаперціся, накіраваных на канструктывізм, актыўную сумесную працу з выканаўчай уладай і жыхарамі Прыдняпроўскага краю.

Губернатар звярнуў увагу на важнасць удзелу кожнага ў выбарах. «Галасаванне – адна з формаў праяўлення грамадзянскасці чалавека, удзелу ў грамадскім жыцці. Не мае рацыю той чалавек, які нейкім чынам хоча паказаць, што ён па-за грамадствам і яго не цікавяць тыя праблемы, што вырашаюцца ў грамадстве», – лічыць Уладзімір Даманеўскі.