За 9 месяцаў 2018 года суб’екты сярэдняга і малога бізнесу рэгіёна заплацілі ў бюджэт Br227,5 млн., або 32% ад агульных паступленняў. Пра гэта карэспандэнту сайта паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

У параўнанні з аналагічным перыядам мінулага года фінансавыя ўліванні павялічыліся на 12,1%, або на Br29, 9 млн. у фактычным вылічэнні. Пры гэтым паступленні ад арганізацый узраслі на 12,1%, ад індывідуальных прадпрымальнікаў – на 12,2%.

На 1 кастрычніка 2018 года на Магілёўшчыне колькасць суб’ектаў сярэдняга і малога бізнесу складала 31,7 тыс. плацельшчыкаў, у тым ліку 23,2 тыс. індывідуальных прадпрымальнікаў, 8,5 тыс. юрыдычных асоб.