Датэрміновае галасаванне на выбарах у мясцовыя Саветы дэпутатаў 28-га склікання працягваецца ў Беларусі. Так, за тры дні галасавання ў выбарах прыняло ўдзел 20% выбаршчыкаў Магілёўскай вобласці, унесеных у спісы асоб, якія маюць права ўдзельнічаць у выбарах, паведаміў старшыня абласной выбарчай камісіі Валерый Берастаў.

Ён адзначыў, што датэрміновае галасаванне на Магілёўшчыне праходзіць у спакойным штатным рэжыме без якіх-небудзь парушэнняў Выбарчага кодэкса Беларусі. «Грамадска-палітычная сітуацыя ў Прыдняпроўскім рэгіёне застаецца стабільнай», – падкрэсліў Валерый Берастаў.