Забарона на наведванне лясоў знята ў Магілёўскай вобласці. Пра гэта паведамілі ў Магілёўскім дзяржаўным вытворчым лесагаспадарчым аб’яднанні.

Адмена абмежавальных мер звязана са змяненнем умоў надвор’я і зніжэннем класу пажарнай небяспекі ў лясным фондзе. Тым не менш грамадзян па-ранейшаму заклікаюць падчас адпачынку на прыродзе і збору лясных дароў выконваць правілы пажарнай бяспекі.

Даведацца актуальную інфармацыю аб увядзенні або зняцці забаронаў можна на рэгулярна абнаўляемай інтэрактыўнай карце.