Замежныя інвестары за студзень-верасень 2018 года ўклалі $155,4 млн. у рэальны сектар эканомікі (акрамя банкаў) Магілёўскай вобласці. Пра гэта паведамілі ў галоўным статыстычным упраўленні рэгіёна.

Асноўнымі інвестарамі арганізацый Прыдняпроўскага краю былі суб’екты гаспадарання Расійскай Федэрацыі (37,5% ад усіх інвестыцый), Кіпра (35,9%), Нідэрландаў (9,9%). Пры гэтым прамыя замежныя інвестыцыі склалі $ 121 млн., або 77,9% ад усіх, што паступілі.

У той жа час арганізацыямі вобласці (акрамя банкаў) за студзень-верасень бягучага года накіравана за мяжу $151,7 млн. інвестыцый, у асноўным у Расійскую Федэрацыю (67,8% ад агульнага аб’ёму) і Украіну (19,8%).

На долю прамых інвестыцый прыходзілася 99,6% усіх замежных грашовых патокаў.