Сёння па ўсёй краіне стартуе цэнтралізаванае тэставанне, якое пачынаецца выпрабаваннем па беларускай мове. Праверыць веды па дадзеным прадмеце ў Магілёўскай вобласці плануе 2409 хлопцаў і дзяўчат. Пра гэта карэспандэнту сайта паведамілі ў рэгіянальным цэнтры тэставання Беларуска-Расійскага ўніверсітэта.

У цэлым з улікам таго, што дазволена здаваць чатыры прадметы, чалавека-тэстаў, якія з’яўляюцца адным з асноўных паказчыкаў, зафіксавана 32 524, удакладнілі суразмоўцы. Больш за ўсё жадаючых здаваць рускую мову і матэматыку – 8390 і 4928 абітурыентаў адпаведна. На трэцім месцы біялогія – 3697 чалавек.

Веданне англійскай мовы будзе правяраць 2848, нямецкай – 395, французскай– 98, іспанскай– 20, кітайскай– 1. На фізіку зарэгістравалася 2865 хлопцаў і дзяўчат, гісторыю Беларусі – 2453, хімію – 2077, грамадазнаўства – 1965, геаграфію – 194, Сусветную гісторыю – 184.

Графік правядзення цэнтралізаванага тэставання

Беларуская мова – 12 чэрвеня, аўторак

Руская мова – 14 чэрвеня, чацвер

Грамадазнаўства – 16 чэрвеня, субота

Матэматыка – 18 чэрвеня, панядзелак

Біялогія – 20 чэрвеня, серада

Замежная мова (англійская, нямецкая, французская, іспанская, кітайская) – 22 чэрвеня, пятніца

Хімія – 24 чэрвеня, нядзеля

Фізіка – 26 чэрвеня, аўторак

Гісторыя Беларусі – 28 чэрвеня, чацвер

Геаграфія – 30 чэрвеня, субота

Сусветная гісторыя (найноўшы час) – 2 ліпеня, панядзелак

Само выпрабаванне стартуе па ўсёй краіне адначасова ў 11.00. Кожны абітурыент павінен з’явіцца ў пункт здачы ЦТ за 30 хвілін да пачатку тэставання і мець пры сабе запоўнены і зарэгістраваны пропуск, дакумент, які сведчыць асобу (пашпарт, від на жыхарства, пасведчанне бежанца), і ручку з чорным стрыжнем. У ходзе выпрабаванняў катэгарычна забараняецца выкарыстоўваць розныя прылады сувязі. Абітурыенты, якія парушаць патрабаванні і прынясуць на ЦТ мабільныя тэлефоны і шпаргалкі, пакінуць аўдыторыю і будуць пазбаўлены магчымасці здаваць іспыты ў гэтым годзе, нават у рэзервовы дзень.

У Магілёўскай вобласці пад кіраўніцтвам рэгіянальнага цэнтра тэставання працуе шэсць пунктаў тэставання, якія выконваюць задачы арганізацыі і правядзення цэнтралізаванага тэставання:

У 2018 годзе нездавальняльнымі адзнакамі па вучэбным прадмеце беларуская мова або руская мова будуць лічыцца ад 0 да 9 балаў (уключна), для спецыяльнасцей філалагічнага профілю – ад 0 да 24. Па першым прадмеце профільнага іспыту – матэматыка, фізіка, хімія, біялогія – такімі будуць адзнакі ад 0 да 19 балаў; гісторыя Беларусі, сусветная гісторыя (найноўшы час), грамадазнаўства, геаграфія, замежныя мовы (англійская, нямецкая, французская, іспанская, кітайская) – ад 0 да 24 балаў. Па другім прадмеце профільнага іспыту – матэматыка, фізіка, хімія, біялогія – адзнакі ад 0 да 9 балаў; гісторыя Беларусі, сусветная гісторыя (найноўшы час), геаграфія, замежныя мовы – ад 0 да 14 балаў.

Сертыфікаты пачнуць выдаваць 10 ліпеня.