У Бабруйску 27 сакавіка пройдзе канцэрт Нацыянальнага акадэмічнага тэатра оперы і балета Беларусі, паведамілі ў Магілёўскім абласным тэатры драмы і камедыі імя В. І. Дуніна-Марцінкевіча (г. Бабруйск).

Зоркі Вялікага тэатра Беларусі павіншуюць прыхільнікаў балета і музычнага мастацтва з Днём тэатра. У падарунак публіцы артысты паднясуць сусветна вядомыя і папулярныя музычныя кампазіцыі, дуэты і сцэны з опер, арыі, балетныя адажыа і варыяцыі, знаёмыя кожнаму мелодыі музычных геніяў усіх часоў.

Плануецца, што ў канцэрце прымуць удзел салісты оперы: народны артыст Беларусі Уладзімір Пятроў, заслужаныя артысткі Беларусі Аксана Волкава і Анастасія Масквіна, лаўрэаты міжнародных конкурсаў Таццяна Гаўрылава, Юрый Гарадзецкі, Эдуард Мартынюк, Ілья Сільчукоў, вядучыя салісты балетнай трупы, артысты хору тэатра.

Пачатак канцэрта ў 18.00 у тэатры драмы і камедыі імя В. І. Дуніна-Марцінкевіча

БЕЛТА