Цэны на прыродны газ для некаторых катэгорый карыстальнікаў адкарэкціраваны ў Беларусі. Такая інфармацыя размешчана на Нацыянальным прававым інтэрнэт-партале.

Пастановай Міністэрства антыманапольнага рэгулявання і гандлю ад 4 красавіка 2017 года №21 унесены змены ў пастанову ад 18 студзеня 2017 года №5 “Аб цэнах на прыродны газ”.

Дакументам устаноўлены цэны на прыродны газ за 1 куб.м. з ПДВ, што адпускаецца газазабеспячальнымі арганізацыямі, якія ўваходзяць у склад ДВА «Белпалівагаз», арганізацыям, якія маюць інтэрнаты, у частцы выкарыстання прыроднага газу  грамадзянамі, якія пражываюць у іх, рэлігійным арганізацыям, а таксама арганізацыям, якія выкарыстоўваюць прыродны газ для патрэб дзіцячых дамоў сямейнага тыпу, дзiцячых вёсак (гарадкоў), дзіцячых хоспісаў. Так, пры наяўнасці індывідуальных газавых ацяпляльных прыбораў цэны складуць у ацяпляльны перыяд – Br0,0911 (раней – Br0,0908), у летні перыяд – Br0,2853 (раней – Br0,2842); пры адсутнасці індывідуальных газавых ацяпляльных прыбораў – Br0,2853 (раней – Br0,2842).

Пастанова ўступае ў сілу 12 красавіка.

БЕЛТА