Рэжысёрская лабараторыя «Вучні Тумінаса» пры Дзяржаўным акадэмічным тэатры імя Я.Вахтангава і Тэатральным інстытуце імя Б.В.Шчукіна (г. Масква) прывезла на ХII Міжнародны маладзёжны тэатральны форум «М.@rt.кантакт-2017» фарс «Кароль памірае». У спектаклі, які прайшоў на сцэне Магілёўскага абласнога драматычнага тэатра 22 сакавіка, рэжысёр Анатоль Шульеў спрабуе спыніць момант пераходу паміж жыццём і смерцю і разгледзець яго ва ўсіх падрабязнасцях.