Танцавальны перформанс «Прадметная размова» прывёз Беларускі дзяржаўны моладзевы тэатр (г. Мінск) на ХII Міжнародны моладзевы тэатральны форум «М.@rt.кантакт-2017». На сцэне КЗ «Магілёў» 25 сакавіка танцоўшчыкі разбіраліся ў тым, што ёсць сучаснае мастацтва, наколькі яно прадметна або дастаткова прадставіць патрэбны кантэкст, а сам арт-аб'ект не важны. Вялікая частка дзеяння заснавана на імправізацыі і ўзаемадзеянні з вербальнай нагрузкай. Аўтар ідэі і рэжысёр - Вольга Скварцова.