Цырымонія ўзнагароджання брэнд-лідараў па выніках рэспубліканскага сацыялагічнага даследавання “Маладзёжны Брэнд – 2016” прайшла ў Мінску, як паведамілі арганізатары.

Даследаванне праводзіцца Асацыяцыяй аховы інтэлектуальнай уласнасці “БелБрэнд” і моладзевай лабараторыяй сацыялагічных даследаванняў Цэнтральнага камітэта БРСМ для вывучэння папулярнасці сярод моладзі Беларусі айчынных і замежных брэндаў па асноўных групах харчовых і нехарчовых тавараў, прадстаўленых на беларускім рынку: мяса і мясная прадукцыя, рыба і морапрадукты, малочная прадукцыя, замарожаныя прадукты і паўфабрыкаты, марожанае, шакалад і цукеркі, кандытарскія вырабы, чыпсы і сухарыкі, пітная і мінеральная вада, напоі, сокі і морсы, адзенне, абутак, касметыка, мабільныя тэлефоны і гаджэты, галантарэя, спартыўнае адзенне, спартыўны абутак.

У правядзенні даследавання ў кастрычніку-лістападзе 2016 года прынялі ўдзел больш за 70 інтэрв’юераў, якія апыталі больш за 1200 маладых беларусаў ва ўзросце ад 18 да 32 гадоў.

У ліку брэнд-лідараў, якія вызначаны па выніках даследаванняў, – «Сервалюкс» (брэнд – Пятруха, катэгорыя «Мяса і мясная прадукцыя»).