На мемарыяльным комплексе «Буйніцкае поле» 15 мая прайшоў мітынг, прысвечаны старту вясенняй прызыўной кампаніі ў Магілёўскай вобласці. У мерапрыемстве прынялі ўдзел больш за 120 юнакоў рэгіёна, якім трэба будзе служыць у 103-й гвардзейскай паветрана-дэсантнай дывізіі Віцебска. Да капліцы мемарыяла ад прызыўнікоў, прадстаўнікоў абласнога камісарыята, выканаўчай улады, грамадскіх арганізацый былі ўскладзены кветкі. Памяць загінуўшых у войнах ўдзельнікі мітынгу ўшанавалі хвілінай маўчання.