Рэгіянальнае пагадненне аб супрацоўніцтве падпісалі 23 мая Тульская абласная грамадская арганізацыя «Саюз жанчын Расіі» і Магілёўская абласная грамадская арганізацыя «Беларускі саюз жанчын». Свае подпісы пад дакументам паставілі кіраўнікі аб’яднанняў Таццяна Лысенка і Інэса Караткевіч. Бакі дамовіліся падтрымліваць пастаянныя кантакты, рэгулярна абменьвацца інфармацыяй аб рабоце, новых ідэях, планах, найлепшых практыках ва ўсіх сферах дзейнасці, а таксама каардынаваць свае дзеянні падчас удзелу ў міжнародных мерапрыемствах.