У Магілёўскай вобласці адкрылі трэці працоўны семестр 2017 года. Урачыстасць, прымеркаваная да гэтай падзеі, адбылася 23 мая каля Кургана неўміручасці горада Клічава. У мерапрыемстве прыняла ўдзел моладзь рэгіёна, прадстаўнікі выканаўчай улады, грамадскіх аб’яднанняў, устаноў адукацыі. Яны ўсклалі кветкі і вянкі да памятнага месца. Па традыцыі кіраўнікі штабоў студэнцкіх атрадаў атрымалі пуцёўкі для працы на сацыяльна значных аб’ектах Прыдняпроўскага краю. Моладзь таксама прыняла ўдзел у акцыі «Труд – крут!». На працягу дня байцы студатрадаў дапамагалі жыхарам Клічава ў добраўпарадкаванні тэрыторый, а таксама аказваць дапамогу ў навядзенні парадку на прыдваровых тэрыторыях адзінокіх і адзінока пражываючых грамадзян.