У Магілёве праходзіць пасяджэнне Камісіі Парламенцкага сходу па сацыяльнай палітыцы, навуцы, культуры і гуманітарных пытаннях. У мерапрыемстве прымаюць удзел прадстаўнікі Пастаяннага Камітэта Саюзнай дзяржавы, Міністэрства адукацыі Беларусі, Міністэрства адукацыі і навукі Расіі, міністэрстваў працы і сацыяльнай абароны дзвюх краін, а таксама органы ўлады Магілёўскай вобласці і грамадскія арганізацыі. На пасяджэнні разгледзяць прыярытэтныя кірункі маладзёжнай палітыкі ў Саюзнай дзяржаве, пытанні дзяржаўнай сацыяльнай падтрымкі моладзі, забеспячэнне права моладзі на працу і працы з сацыяльна неабароненымі катэгорыямі грамадзян з ліку маладых людзей, а таксама абмяркуюць ролю грамадскіх аб’яднанняў у працы з падрастаючым пакаленнем. У межах візіту дэлегацыі Парламенцкага сходу ў Магілёў адбылася сустрэча дэпутатаў з першым намеснікам старшыні абласнога выканаўчага камітэта Алегам Чыкідам і намеснікам старшыні Магілёўскага абласнога Савета дэпутатаў Ірынай Раінчык.