Тром кампаніям Магілёўскай вобласці, якія рэалізуюць інвестыцыйныя праекты, у 2017 годзе годзе кампенсуюць з бюджэту частку працэнтаў за карыстанне банкаўскімі крэдытамі. Гэта прадугледжана пастановай Савета Міністраў ад 6 чэрвеня 2017 года № 428, як паведамілі ў прэс-службе беларускага ўрада.

ААТ пакрыюць працэнты ”Бабушкина крынка” – кіруючая кампанія холдынга “Магілёўская малочная кампанія “Бабушкина крынка” (у частцы філіяла “Мсціслаўскі”), ААТ “Ольса”, ААТ “Бабруйскі завод трактарных дэталяў і агрэгатаў”.

Пакрыццё будзе ісці за кошт сродкаў, што прадугледжаны ў рэспубліканскім бюджэце на іншыя пытанні ў галіне прамысловасці, будаўніцтва і архітэктуры і накіроўваюцца на развіццё высокаэфектыўных вытворчасцяў. Сродкі, якія выдзяляюцца юрыдычным асобам у адпаведнасці з пастановай, выкарыстоўваюцца імі ў 2017-2018 гадах для рэалізацыі інвестпраектаў.

Рэспубліканскім органам дзяржкіравання і іншым дзяржарганізацыям, падпарадкаваным ураду, аблвыканкамам, па прапановах якіх прымаецца рашэнне аб прадастаўленні юрыдычным асобам дзяржпадтрымкі ў адпаведнасці з пастановай, даручана забяспечыць кантроль за рэалізацыяй імі інвестыцыйных праектаў, і прадстаўленне ў Міністэрства эканомікі да 25 лютага 2018 года інфармацыі аб ходзе іх рэалізацыі, Міністэрству эканомікі сумесна з Міністэрствам фінансаў да 5 сакавіка 2018 года трэба будзе прадставіць у Савет Міністраў аналітычную інфармацыю аб ходзе рэалізацыі гэтай пастановы.

Пастанова ўступае ў сілу пасля яе афіцыйнага апублікавання.