Новую скульптуру драўлянага бабра ўстанавілі да 630-годдзя горада на Бярэзіне. Размясцілася яна на вуліцы Ульянаўскай побач з адміністрацыяй Першамайскага раёна.

Аўтар твора – майстар-разьбяр Бабруйскага дзяржаўнага каледжа імя А. Я. Ларына Васіль Вайцяховіч. На выраб фігуры пайшло больш за два месяцы, а на стварэнне натхніла гісторыя бабруйскай крэпасці. Менавіта таму бабёр выглядае як сапраўдны генерал рускай арміі часоў вайны з Напалеонам 1812 года.