У Магілёве 28 чэрвеня адбылося ўрачыстае закрыццё міжнароднага пленэра па скульптуры «Каменная казка», прысвечанага 750-годдзю абласнога цэнтра. Дзесяць майстроў з Беларусі, Кітая, Малдовы, Грузіі і Сербіі пад адкрытым небам працавалі на працягу двух тыдняў, ажыўляючы сваім талентам халодны камень. Скульптуры сталі сапраўдным упрыгожаннем парку адпачынку, які ствараецца ў Падніколлі.