Гаспадаркі Магілёўскай вобласці першымі ў краіне выканалі дзяржзаказ па збожжы, як паведамілі карэспандэнту сайта ў адміністрацыі ААТ «Магілёўхлебапрадукт».

Згодна з аператыўнымі звесткамі, на камбінаты хлебапрадуктаў вобласці ў лік дзяржзаказу дастаўлена 156 тыс. т. збожжа, што складае 100% да плана.

Жніво ў Магілёўскай вобласці набліжаецца да завяршэння. Аграрыі рэгіёна прыбралі з палёў 79% новага ўраджаю. У рэгіёне абмалочана 256 тыс. га культур. Сабрана больш за 901 тыс. т. збожжа пры сярэдняй ураджайнасці 35,2 ц/га.

Па тэмпах ва ўборачнай лідзіруе Кіраўскі раён, дзе ўбрана 96% збожжавага кліна. Па ўраджайнасці найлепшыя вынікі дэманструюць хлебаробы Шклоўскага (58,9 ц/га), Круглянскага (50 ц/га), Горацкага (41,5 ц/га) і Магілёўскага (40 ц/га) раёнаў.