Пасяджэнне аргкамітэта па падрыхтоўцы і правядзенні абласнога фестывалю-кірмашу “Дажынкі” адбылося ў Клічаве. Размова ў асноўным ішла аб творчай канцэпцыі правядзення галоўнага свята аграрыяў.

Ад «Дажынак» усе чакаюць вялікіх перамен і добрых творчых складнікаў. Пачнецца фестываль традыцыйным узнагароджаннем перадавікоў уборачнай кампаніі, падчас якога аграрыям яшчэ раз выкажуць падзяку за працу.

Добры настрой усім будуць дарыць аркестр народных інструментаў імя Л.Іванова, ансамблі «Медуніца», «Белыя росы», «Бяседа», «Песняры», вакальныя і харэаграфічныя калектывы ўстаноў культуры і адукацыі Магілёва, Бабруйска. Чакаецца, што ў канцэртных праграмах прымуць удзел Аляксей Хлястоў, уладальніца Гран-пры дзіцячага конкурсу «Славянскі базар у Віцебску» Марыя Магільная і інш.

На стадыёне аграрна-тэхнічнага каледжа запланавана правядзенне фіналу абласных спаборніцтваў па футболе «Каласок» сярод дзяцей і падлеткаў, лёгкаатлетычнай эстафеты, паказальных выступленняў парашутыстаў, спаборніцтваў па валейболе, стрытболе, настольным тэнісе і інш.

У гарадскім парку праграмай прадугледжваецца арганізацыя дзіцячага свята, тэматычнай пляцоўкі «Мой край партызанскі», правядзенне эка-арт-фэсту «Астравы Дулебы». Акрамя таго, запланавана работа пляцовак майстроў дэкаратыўна-прыкладнога мастацтва, музеяў, бібліятэк, маштабны гандаль.

Па матэрыяле mogilevnews.by