На падрыхтоўку Клічава да рэгіянальных «Дажынак» з абласнога бюджэту выдзелена каля Br10 млн. Зараз у раённым цэнтры ідзе вялікі рамонт: тры сотні будаўнікоў з двух дзясяткаў арганізацый Прыдняпроўскага краю працуюць над пераўтварэннем горада.

Асноўныя сілы сканцэнтраваны на цэнтральнай плошчы, дзе будзе размяшчацца галоўная сцэна “Дажынак”, якія плануецца правесці ў канцы верасня.

Вядзецца капітальны рамонт будынкаў дома культуры і школы мастацтваў, пабудаваных у канцы 40-х гадоў мінулага стагоддзя.

Клічаўская ЖКГ пры падтрымцы жыхароў горада добраўпарадкоўвае гарадскі парк.

Капітальна рамантуюць 13 жылых дамоў. Асфальтуюць вуліцы.

Па матэрыяле ТРК «Могилев»