Выстава “1917: погляд праз стагоддзе” адкрыецца 15 верасня ў Магілёўскім абласным краязнаўчым музеі імя Е.Р.Раманава. Пра гэта карэспандэнту сайта паведамілі ва ўстанове культуры.

У выставачнай зале музея (пл. Славы, 1) наведвальнікі змогуць убачыць прадметы, якія тычацца падзей Лютаўскай і Кастрычніцкай рэвалюцый. Так, у вітрынах і на стэндах будуць прадстаўлены арыгінальныя дакументы, фатаграфіі, плакаты, паштоўкі, значкі, медалі, прадметы выяўленчага мастацтва і сімвалы савецкай эпохі, юбілейная прадукцыя, рэчы, якія належалі ўдзельнікам Кастрычніцкай рэвалюцыі, грамадзянскай вайны і інш.