Гандлёва-эканамічны, інвестыцыйны, турыстычны і культурны патэнцыял Магілёўскай вобласці прэзентуюць 25 кастрычніка ў Маскве. Мерапрыемства пройдзе на базе Дзелавога і культурнага комплексу Пасольства Беларусі ў Расіі, як паведамілі карэспандэнту сайта ў камітэце эканомікі аблвыканкама.

У праграме прэзентацыі запланавана выстава суб’ектаў гаспадарчай дзейнасці, дэгустацыя прадукцыі харчовай прамысловасці рэгіёна, музейная і турыстычная экспазіцыі. Адбудзецца таксама выступленне творчых калектываў Прыдняпроўскага краю.