У Магілёўскай вобласці (на 9.00 19 верасня) застаюцца абясточанымі па прычыне моцнага ветру 13 населеных пунктаў. Пра гэта паведамілі ў РУП «Магілёўэнерга».

У асноўным пацярпелі Чавускі, Клічаўскі і Кіраўскі раёны. У іх пашкоджаны 5 участкаў ліній электраперадачы 10 кВт. Асноўныя прычыны адключэнняў – падзенне дрэў і галінак на правады. Таксама на працягу мінулых сутак адключэнні трансфарматарных падстанцый назіраліся і ў шэрагу іншых раёнаў вобласці.

Энергетыкі аператыўна ліквідуюць наступствы стыхіі, ва ўсіх пацярпелых раёнах сфарміраваны выязныя брыгады. Аднавіць электразабеспячэнне населеных пунктаў плануецца ў найбліжэйшыя гадзіны.

БЕЛТА