Тры прадпрыемствы Магілёўскай вобласці ўвайшлі ў лік пераможцаў рэспубліканскага конкурсу «Найлепшая мэбля Беларусі-2017». Ушанаванне найлепшых адбылося ў Мінску.

ЗАТ “Бабруйскмэбля” ўручылі ўзнагароды за праграму мэблі для агульнага пакоя «Аланда» і набор мэблі для спальні «Юстына», ААТ «Магілёўдрэў» – за набор мэблі для адпачынку «Каліпса», ААТ «ФанДАК» – за міні-набор мэблі для пярэдняга пакоя (вешалка гардэробная) і крэатыўны выраб «Крэсла-бабёр».

Рэспубліканскі конкурс «Найлепшая мэбля Беларусі» праводзіцца штогод з мэтай пашырэння і абнаўлення асартыменту мэблі, павышэння мастацка-канструктарскага ўзроўню, якасці і канкурэнтаздольнасці вырабаў на ўнутраным і знешнім рынках, укаранення новых матэрыялаў і прагрэсіўных тэхналогій, а таксама стымулявання творчай дзейнасці дызайнераў, канструктараў і тэхнолагаў мэблевай прамысловасці.

Арганізатарамі спаборніцтва выступаюць канцэрн «Беллеспаперапрам» і Асацыяцыя прадпрыемстваў мэблевай і дрэваапрацоўчай прамысловасці.