За 8 месяцаў 2017 года ў кансалідаваны бюджэт рэгіёна паступіла Br690,3 млн. Аб гэтым карэспандэнту сайта паведамілі ў прэс-цэнтры інспекцыі МПЗ па Магілёўскай вобласці.

Найбольшыя сумы накіраваны па падаходным падатку – Br229,5 млн. (33,2%), падатку на даданую вартасць Br74,5 млн. (10,8%), акцызы – Br59,4 млн. (8,6%), падатку на прыбытак – Br57,4 млн. (8,3%).

У дзясятку лідараў па фарміраванні бюджэту ўваходзяць РУП «Магілёўэнерга» (5,6% у агульных паступленнях па вобласці), ААТ «Клімавіцкі лікёра-гарэлачны завод» (4,0%), ЗЗАТ «Бровары Хайнэкен» (3,2%), Магілёўскі філіял РУП “Белтэлекам” (1,9%), ААТ «Магілёўхімвалакно» (1,5%), філіял ТАА «Еўрагандаль» у Магілёве (1,2%), РУП «Беларуснафта-Магілёўаблнафтапрадукт» (1,2%) , РУП «Магілёўаблгаз» (1,1%), ААТ “Крычаўцэментнашыфер” (0,9%), ААТ «Магілёўаблхарчпрам» (0,9%). Пералічанымі плацельшчыкамі за студзень-жнівень бягучага года выплачана Br148,5 млн., што складае 21,5% сумарных фінансавых уліванняў у кансалідаваны бюджэт Прыдняпроўскага краю.