Бабруйск і кітайскі Усі падпісалі мемарандум аб дружбе і супрацоўніцтве. Пра гэта паведамілі ў Бабруйскім гарвыканкаме.

Зацвярджэнне дакумента стала вынікам візіту дэлегацыі горада на Бярэзіне на чале са старшынёй Бабруйскага гарвыканкама Аляксандрам Студневым ва Усі.

Бабруйск, як транспартны вузел і прамысловы цэнтр, валодае вялікім патэнцыялам знешняга гандлю, як лічыць мэр Усі Ван Цюань. У сваю чаргу кітайскі горад з’яўляецца важнай рэгіянальнай акругай у кітайскай правінцыі Цзянсу, размешчанай у нізоўях ракі Янцзы. Тут хутка развіваюцца прамысловасць і бізнес. У перспектыве супрацоўніцтва двух гарадоў дапаможа беларускім і кітайскім прадпрыемствам выйсці на новы ўзровень работы і знешнегандлёвых адносін, а таксама ўзмацніць партнёрства дзвюх краін.