Уладальніка Кубка Беларусі па баскетболе сярод мужчын вызначаць у Магілёве 6-8 кастрычніка, як паведамілі ў Беларускай федэрацыі баскетбола.

Барацьбу за ганаровы трафей павядуць яго сённяшні ўладальнік «Цмокi-Мiнск», фіналіст мінулага розыгрышу «Гродна-93», магілёўскі «Барысфен», а таксама пераможца супрацьстаяння паміж другой камандай сталічных «цмокаў» і віцебскім «Рубонам».

Рэкардсменамі па колькасці заваяваных Кубкаў краіны з’яўляюцца «Цмокi-Мiнск», якія перамагалі ў васьмі турнірах запар, на адзін трафей менш у баскетбалістаў «Гродна-93», прычым іх апошні поспех датаваны 2007 годам.

Урачыстая цырымонія адкрыцця спаборніцтваў адбудзецца 6 кастрычніка ў 17.00 у СК «Алімпіец», дзе і пройдуць усе фінальныя гульні.