Паміж Прыдняпроўскі краем і кітайскімі гарадамі і правінцыямі падпісаны шэраг дакументаў аб супрацоўніцтве. Такая інфармацыя размешчана на сайце Міністэрства эканомікі па выніках візіту беларускай дэлегацыі, якую ўзначальваў губернатар Магілёўскай вобласці Уладзімір Даманеўскі, у Кітай 24 верасня - 1 кастрычніка.

Для развіцця міжрэгіянальнага гандлёва-эканамічнага супрацоўніцтва і прэзентацыі Кітайска-беларускага індустрыяльнага парку “Вялікі камень” беларуская дэлегацыя правяла два бізнес-форумы – у горадзе Нанкін правінцыі Цзянсу і горадзе Чанша правінцыі Хунань. Адбыліся афіцыйныя сустрэчы членаў дэлегацыі з губернатарамі правінцый Цзянсу і Хунань, з сакратаром Камітэта Камуністычнай партыі Кітая правінцыі Хунань, а таксама шэраг асобных сустрэч з кіраўніцтвам кітайскіх кампаній – карпарацыі SUMEC Group, холдынгу Jiangsu SOHO Holding Group, карпарацыі Tuniu, Цзянсуской карпарацыі па знешнеэканамічным супрацоўніцтве, ZOOMLION, Farsoon technologies, Broad і BBG.

Былі дасягнуты дамоўленасці па прапрацоўцы паставак з Беларусі ў КНР ялавічыны, малака, лёну, стварэнню сумесных прадпрыемстваў па вытворчасці адзення, утылізацыі бытавых адходаў, вытворчасці феерверкаў, а таксама арганізацыі серыі турыстычных візітаў з правінцыі Хунань у Беларусь у наступным годзе.

Падчас візіту падпісаны мемарандум аб далейшым умацаванні супрацоўніцтва паміж горадам Бабруйск і горадам Усі (правінцыя Цзянсу), мемарандум аб супрацоўніцтве ў сферы турызму і правядзенні кансультацый паміж Магілёўскім аблвыканкамам і правінцыяй Хунань, пратакол аб намерах аб наладжванні пабрацімскіх адносін паміж Бабруйскам і горадам Хэньян правінцыі Хунань.

Фота – сайт Пасольства Беларусі ў КНР