Урад дасць гарантыі ў пагашэнні асноўнага доўгу па крэдыце ААТ «Амкадор-Шклоў». Гэта прадугледжана пастановай Савета Міністраў ад 9 кастрычнiка 2017 года №755, як паведамілі ў прэс-службе ўрада.

Урад дасць гарантыю Белаграпрамбанку ў пагашэнні асноўнага доўгу і выплаце працэнтаў за карыстанне крэдытам, што выдаюцца гэтым банкам ААТ «Амкадор-Шклоў» для фінансавання завяршэння будаўніцтва прадпрыемства па вытворчасці малака ў в. Сліж Шклоўскага раёна са спагнаннем працэнтаў за карыстанне крэдыту ў памеры 3% гадавых на працягу перыяду карыстання крэдытам з тэрмінам пагашэння да 1 красавіка 2029 года.

Міністэрству фінансаў даручана аформіць гарантыю ўрада. Персанальная адказнасць за мэтавае выкарыстанне крэдыту і своечасовае яго пагашэнне ўскладзена на дырэктара ААТ «Амкадор-Шклоў».

Пастанова ўступае ў сілу з дня яе прыняцця.

БЕЛТА